saleh sudrajat




dimuat di majalah cupumanik no. 85 Agustus 2010

Dua taun katukang aya Urang Sunda nu geus nyieun pagawean nu teu bisa dianggap enteng. Manehna ngapung sorangan ti Sabang ka Merauke make pesawat Microlight nu biasa oge disebut trike. Lalampahan nu munggaran dipigawe ku urang Indonesia ieu jadi salah sahiji cara pikeun leuwih ngama’naan arti saabad Kebangkitan Nasional 2008.
“kuring ningali Indonesia geus mulai leungiteun karakter bangsa nu saterusna urang ngalaman keterpurukan selaku bangsa nu gede” ceuk Saleh Sudrajat, waktu harita ditepungan di Lanud Sulaeman nu sakaligus jadi posko pencarian trike nu leungit di wilayah kidul. Bapa dua putra kalahiran Bandung, 24 Januari 1952 ieu kiwari gawe di Sussi Air, sanggeus pensiun ti Bank Mandiri taun 2007.
Waktu diajak nyarita kagiatanna di Wanadri, Saleh nataan sababaraha ekspedisi nu kungsi dipilampahna. “ salian ngadaki gunung nu aya di Jawa jeung luar Jawa, kuring oge nyusur Sungai Cimanuk make rakit nu dijieun tina gebog cau. Eta nu jadi cikal bakal olahraga arus deras di Wanadri, nu pamustunganna Wanadri ngayakeun Citarum Rally. Di taun 1978 gabung jeung ekspedisi perburuan paus di Flores” ceuk Anggota Wanadri angkatan Tapak Rimba nu biasa disebut Usol.
Wawanohan Jeung Trike
Sabada sababaraha kali gabung kana kagiatan SAR jeung bantuan kemanusiaan di Indonesia, Ujangningali aya hiji kalemahana dina hal assesment pasca bencana. Ujang nyontokeun pas bencana tsunami di Aceh, Bantul, jeung Pangandaran assesment jadi kendala sabab kabeh kudu lewat darat. “Kungsi aya daerah bencana nu mun arek kadinya kudu leumpang sapoe jang proses mere bantuan jeung evakuasi, ari geus nepi kaditu tempat eta teu parah teuing. Sedengkeun di jarak nu leuwih deukeut malah nu butuh bantuan. Terus di Lanud Sulaeman aya komunitas Microlight tapi teu karasa peranna kana bantuan bencana. Tidinya kuring ngabuleudkeun jang diajar microlight pikeun bantuan kemanusiaan.” Ceuk Ujang nyaritakeun pangalamanna mimiti diajar ngapung.
Kaideuan ku lagu Dari Sabang Sampai Merauke jeung motto di Wanadri nu unina tak ada gunung yang tinggi, rimba belantara, jurang curam, lautan serta angkasa yang tak dapat dijelajahi oleh Wanadri. “ Nepi harita Wanadri can pernah ngayakeun penjelajahan angkasa. Kuring hayang nyoba eta, nu resikona salila sataun kuring neang sponsor jang ekspedisi ieu. Basa ideu ieu ditepikeun ka Menegpora Adyaksa Dault, kemenegpora siap jadi sponsor bari sakaligus ngajadikeun ekspedisi ieu minangka kagiatan resmi kemenegpora dina mieling saabad Kebangkitan Nasional. Trike nu dipake dibere nomber kode PKS 205 nu hartina PK=kode dirgantara indonesia, S= dirgantara jenis sport, 205= 20 bulan 5 atawa 20 Mei luyu jeung Hari Kebangkitan Nasional.
Pangalaman Ngapung Sorangan
“ Nalika rek ekspedisi, pangalaman ngapung kakara 103 jam terbang salila sataun. Ditambah kuring can aya pangalaman ngapung overseas atawa ngapung diluhur laut” ceuk Salaki ti Ida Nuradida ieu.
Harita aya pro jeung kontra, tapi Ujang teu mikiran nu karitu. Jang menahna mah mun urang geus kahayang, kudu satekah polah dilaksanakeun. “ ngan sumanget ngawujudkeun kahayang nu jadi kakuatan kuring” tambah Ujang, bari terus ningali ka landasan pacu Lanud Sulaeman nu masih keneh pinuh ku halimun.
“Rencana start teh di Pulau Sabang, tapi cuaca nu teu mendukung jeung geus elat 2 poe ti waktu nu geus direncanakeun, akhirna trike diangkut ka Banda Aceh. Kuring start ti Banda Aceh nyokot rute ka Medan. Review di Lhouksemawe”. Ujang mimiti medar pangalamanna ngapung.
“pangalamanna nu paling berkesan nalika kuring start ti Medan ka Pekanbaru. Harita cuaca di Medan masih keneh halimunan. Jadwal penerbangan kuring leuwih kurang 5 jam. Kuring take off jam 5.30. panonpoe karek bijil. Kuring ngapung diluhureun ground fog (halimun nu ayana di belah handap ?) dilataran ku semburat merah panonpoe. Tidinya bijil tanya “na rek naon atuh urang teh?”. Teu karasa cipanon ragrag maseuhan pipi. Kuring sadar harita keneh kana kawasa Tuhan. Tisemet harita kuring solat dhuha unggal isuk di udara bari teu weleh dikir kana Maha Kawasa.” ceuk Bapa ti Muhammad Fajar Azan jeung Kandita Sudrajat.
Sanajan meh ampir di sapanjang rute nu kalewatan cuaca teu mendukung, Ujang masih sempet ngilu acara peringatan hari kebangkitan nasional di Jakarta. Bisa disebut rute sapanjang Pulo Jawa mah lancar bari didukungkku cuaca nu cerah. Di Bandung Ujang di cek kondisi kasehatanna. Sanggeus dianggap masih keneh mampuh ngapung, manehna nuluykeun deui lalampahanna muru Semarang jeung Surabaya.

Rute Bima – Bajawa Ujang dihadang ku awan nu kandel. “ kuring kajebak awan. Ti 6000 feet kuring turun ka 3000 feet. Alhamdulillah di lebah katuhu katingali aya celah awan sagede lapang bola. Kuring teu loba mikir langsung kaluar liwat celah eta.” Ceuk Ujang. “ sihoreng kuring can waka bisa tenang, sabab Bajawa aya di ketinggian 4500 feet, sedengkeun trike aya di 3000 feet. Idealna mun arek asup ka Bajawa kudu aya di 5500 – 6000 feet. Kuring mutuskeun landing di Ende. “ terusna
Rute nu geus ditangtukeun ti Bima teh kuduna ka Bajawa, ngan alatan kapegat awan kandel, Ujang landing di ende. Padahal di Bajawa, tim ti Wanadri jeung masyarakat Bajawa geus nyiapkeun acara jang nyambut Ujang. Malahan mah geus meuncit sapi sagala. Sanggeus meunang beja Ujang aya di Ende, tim nu aya di Bajawa nyampeukeun ka Ende bari mawa sagala kaperluan ekspedisi. “ Basa di Ende kuring sorangan di bandara, sabab harita poe minggu jadi euweuh kagiatan.” Tambah Ujang.
Indonesia bagian Wetan memang ngajangjikeun patualangan pikeun manusa-manusa nu mikaresepna. Ujang ngarasakeun sorangan basa rute ti Kisar ka Saumlaki. Pangalaman nu masih keneh cetek ngapung diluhur laut (overseas) diuji didinya. “Rute eta jadi rute overseas paling panjang nu jarakna 285 mil ditempuh salila 4 jam 15 menit” . ceuk Ujang
Hujan jeung cuaca buruk jadi hahalang nu teu bisa disingkahan. Salila di kawasan Indonesia Wetan, jadwal sering molor. Malah basa di Dobo, Ujang nampa kabar ti BMKG Pattimura Ambon, yen teu meunang aya penerbangan nepi ka tanggal 16 Juni. Eta hartina timimiti landing di Saumlaki sabenerna Ujang teu meunang ngapung, sabab cuaca teu ngadukung jang penerbangan. Komo ieu mah apanan make pesawat leutik, nu teu jeuh beda jeungnaek motor ngan pedah ieu mah aya jangjangan.
Alatan geus kapatok ku jadwal, Ujang teu malire peringatan eta. Manehna maksakeun ngapung. Rute nu disorang Dobo – Timika nu waktu tempuhna kurang ;leuwih tilu jam. Saacan start, jam 4 subuh katampa deui kabar ti BMKG Pattimura yen jam 9 bakal aya awan cumulus nimbus (cek deui penulisanna) sapanjang rute Ujang. Pikeun nyiasatanna Ujang start ngapung jam 5.30 dengan harapan (basa sundana naon?) nepi ka Timika jam 8.30. “30 mil samemeh Kokonao kuring kajebak dina pusaran badai. Dua kali dialung badai. Mimiti ti 6000 feet diturunkeun ka 4000 feet, nu kadua kali ti 6000 feet ka 1000 feet. Dina kaayaan kitu kuring ngan bisa menta hampura ka Gusti tina sagala dosa”. Ceuk Ujang, bari teu eureun nyesep rokona.
Salila setengah jam dikepung ku badai, Ujang bisa kaluar ti badai. ngan nu jadi masalah bandara Kokonao teu kapanggih, akhirna Ujang neruskeun ngapung ka Timika sanggeus meunang panduan ti ATC di Timika.
“Di Timika karek kanyahoan pangna aya badai. Awan cumulus nimbus leuwih gancang datangna sabab suhu udara -6o C nu datangna ti Australi. Butiran es nu kabawa angin ngakibatkeun rusakna dua baling2 propeller.”


Kesan
“ Ekspedisi Trike ieu jadi perjalanan spiritual kuring. Sapanjang ekspedisi kuring teu eureun dikir muji kaagungan Tuhan.” Ceuk Ujang.
Oleh-oleh sabada ngarengsekeun ekspedisi ieu, anggota Wanadri nomor pokok 239 ieu meunang sababarha gelar. Di Kisar, masyarakat setempat mere gelar “Perkasa di Angkasa”, sedengkeun masyarakat Asmat mere gelar “Dewa Angkasa”. Salian penghargaan ti masyarakat, Ujang ge dileler rekor MURI kategori “terbang solo pertama sejauh 6.442 km selama 37 hari”. Terakhir ti Pamarentah ngaleler Satyalancana Wira Karya.
“ nu paling berkesan mah basa ka Asmat. Harita di Asmat keur perang suku, tapi perang eta eureun heula da arapaleun kuring rek ka Asmat. Warga Asmat nyambut kuring, malahan mah jeung mere gelar sagala. Tapi kuring ngalakukeun ieu lain jang penghargaan. “ ceuk manehna bari cengkat tuluy nuturkeun baturna siap-siap pikeun neruskeun deui proses pencarian trike nu leungit.

Komentar

  1. JuNee24 Agustus 2010 pukul 14.47

    Lanjutkan lur,,,,,
    keep posting never ending

    BalasHapus
  2. parapet25 Agustus 2010 pukul 19.52

    pasti....
    masih banyak cerita2 mengenai kebersamaan parapet yang belum dan akan diceritakan

    BalasHapus

Posting Komentar

Postingan populer dari blog ini

Ole-olean

dimuat di Majalah Cupumanik no. 87 Oktober 2010 Béh ditu mah lamun urang tatanén melak paré téh sok matuh waktuna, biasana mitembeyan téh sok dina panangalan Jumadil Awal, atuh dina panangalan bulan Rewah geus ngamimitian usum panén. Kajang paranti moé paré disiapkeun, étém diasah sangkan seukeut keur nyebit paré, da baréto mah ari ngala paré téh tara ku arit cara ayeuna. Kabéhdieunakeun mah waktu tatanén téh teu bisa ditangtukeun, kadang-kadang bulan Hapit mittembeyan atuh bulan Sapar geus bisa dibuatan, éta téh disapagodoskeun jeung waktuna usum hujan baé. Tah Baréto mah lamun usum panén kitu téh pangulinan barudak ogé sok milu pindah ka s awah, ngadon ngarala jarami dijarieun olé-oléan. Puguh matak resep tur nineung mun urang nyawang mangsa katukang, geura teu rék kitu kumaha sora olé-oléan téh meni raéng patémbalan dilagu-lagukeun, barudak téh nariupna aya nu dina galengan, aya ogé nu dina saung rangon. Sok lucu geura mun nénjo pipina nu kembu ari keur niup olé-oléan téh. Ari barud...
Baca selengkapnya

Bioskop Dalam Kenangan

Selama puluhan tahun menghabiskan waktu di Bandung, rupanya telah merubah banyak penampilan kota itu. Sebagai orang yang lumayan hobi nonton tentu saja tempat nonton di Bandung banyak yang telah dikunjungi, baik itu untuk sekedar jalan-jalan atau memang sengaja untuk nonton. Nonton bioskop (sebenarnya istilah ini agak rancu, karena artinya kita hanya melihat gedung bioskop- gedung tempat diputarnya sebuah pertunjukan film- bukan film yang diputar di dalam gedung bioskop) biasanya dilakukan bersama orang tua, teman, kekasih, bahkan dengan teman yang baru dikenal. Khusus yang terakhir biasanya kenal ketika antri tiket dan berlanjut selama film diputar. Setelah itu biasanya sudah tidak saling kenal lagi. Sebagai pemanis pertemanan jenis itu biasanya saling bertukar salam perpisahan. Ketika itu belum lazim orang yang mempunyai telefon genggam, jika pun ada yang mempunyai jaringan telefon di rumahnya mereka tidak akan sembarangan memberikan nomor telefonnya kepada orang yang belum jelas ...
Baca selengkapnya

Pijat Bayi

Gambar
Untuk pertamakalinya, kami melihat bagaimana proses pemijatan bayi dilakukan oleh seorang dukun bayi. Di daerah kami ( Jawa Barat ), seorang dukun bayi atau dukun beranak, disebut Paraji atau Indung Beurang. Semenjak adanya peraturan dari pemerintah yang melarang Paraji untuk melakukan praktek persalinan, maka semakin banyak Paraji yang menganggur. Karena saat ini proses persalinan minimal dilakukan oleh Bidan. Sebetulnya tenaga Paraji tetap diperlukan dalam proses persalinan, tapi tugasnya lebih pada membantu bidan dan proses persalinan dilakukan di puskesmas atau di tempat praktek bidan. Masih banyaknya ibu hamil yang sangat memerlukan jasa Paraji, khususnya untuk mengurus bayi dan ibu yang baru melahirkan, ternyata masih memberi peluang pekerjaan bagi para Paraji. Meski secara akademis formal Paraji tidak pernah mendapat pendidikan khusus persalinan dan mengurus bayi beserta ibunya, namun secara turun temurun ilmu tersebut diturunkan dan langsung dipraktekkan secara empirik. Se...
Baca selengkapnya