Diteror Jurig
Japar Sidik
Malem Juma’ah, hujan ngaririncik. Di tengah imah Si Ocid jongjon lalajo tivi, nénjo tayangan Dunia Lain nu dibawakeun ku Hari Panca, campego wé sorangan, da indung bapana mah ti jam dalapan kénéh geus ngaringkeb di enggon, teuing pedah malem Juma’ah, teuing kateluh kejo balas murak buceng jeung angeun turubuk pangirim Mang Astajip bandar béas ti Cidolog.
Kodomang Si Ocid ngarongkong goréng Sampeu nu geus gaaleun balas katiisan, panon tetep mencrong kana layar tivi, na atuh ari golombrang téh sada sora kaléng katajong. Gebeg Si Ocid ngarénjag, Sampeu ngacleng bakating reuwas. Luak-lieuk euweuh nanaon, rey bulu punduk muringkak.
Wéong! Sora Ucing di dapur.
“Jadol siah, ngareureuwas!” Ceuk Si Ocid bari mulung deui goréng sampeuna, laju dihuapkeun. Di dago-dago jurigna tacan némbongan baé, nu uji nyalina katémbong keseleun, selang iklan kojéngkang Si Ocid ngadeukeutan tivi, curukna dipaké mencétan tombol belah handap. Teu ku rémot, da rémotna leungit basa dibawa ka pasar. Salah mawa, samarukna kalkulator padahal rémot tivi. Clek na tayangan film, kaparengan film horor produksi Jepang, film Ju-On. Gék Ocid diuk deui, panon angger neuteup layar tivi.
Juringkang, dilieuk euweuh. Na atuh gedewek aya nu néwak kana suku. Jerit Si Ocid ngajerit.
“Goglog mani reuwas. Rarasaan cokor dewek nu dicekel téh.” Ocid ngomong sorangan. Keur kitu Bréh! Na tivi jurigna tembong, budak leutik pikasieuneun. Birigidig Si Ocid ngabirigidig.
“Iyy ,,,” Cenah.
Gancang cénel tivi dipindahkeun deui kana nomer opat, keur kasenian tradisional, wayang kulit. Pindah deui kana nomer lima, masih dunia mistis, tembong Host-na keur ngobrol jeung narasumber, paranormal kasohor, keur ngomongkeun yén jurig mah resepeun kanu kotor-kotor. Bulu punduk Si Ocid muriding, manéhna inget yén tadi téh poho tacan mandi, atuh kaasup kalalotor . Boa jurig resepeun ka aing, pikirna. Gancang cénelna dipindahkeun deui. Kabeneran ieu mah siaran berita kriminal. Hujan di luar masih ngaririncik, angin karasa nyecep tiis. Acara na tivi geus ganti deui, ku dangdutan. Si Ocid témbong ngalengut neuteup bujur Inul nu muter dina televisi.
Séor angin nebak tatangkalan, paralak sada aya nu ngawuran taneuh kana susuhunan, keur kitu cikikik sada anu seuri, barang ditinggali bréh! aya awéwé ngariringkik, Si Ocid ngocéak, tapi hanjakal sorana teu kaluar, suku karasa beurat rék dilengkahkeun téh. Ragamang éta awéwé nu ngariringkik téh kana beuheung. Kek nyekék pageuh pisan. Koréjat Si Ocid hudang, ambekan ngahégak, luak-lieuk euweuh sasaha. na tivi keur tayangan berita malam. Si Ocid ngusap beungeut, sihoréng manéhna kasaréan, tuluy ngimpi dicekék jurig bikangna. Puringkak deui bulu punduk Si Ocid cengkat. Kumaha mun enya aya Kunti, mangkaning malem juma’ah. Ceuk gerentesna. Gancang tivi dipareuman, tap kana samping nu ngalumbuk. Karék ge cengkat Si Ocid curinghak, sirahna déngdék ngadédéngékeun.
“Aéh sora naon éta. Di luar kitu?” Gerentesna. Gusrak, gusrak. Sora nu ngagusrak atra kadéngé sada sora suku nu maké sapatu digusur. Sada di dapur. Si Ocid lahlahan ngeteyep ka dapur, bray panto dapur dibuka. Gajleng!, éong sora ucing disada, méh wé Si Ocim ngajerit bakat ku reuwas.
“Dasar Ucing édan” Cenah kutuk gendeng bari balik deui ka patengahan. Cicing sakeudeung ngadédéngékeun. Angger sora nu gesrak-gesruk masih kadéngé. Puringkak bulu pundukna cengkat deui. Panasaran jeung sieun pacampur, antukna manéhna lahlahan muru panto hareup, teu poho ngarawél heula bedog karuhun titinggal akina. Bray panto lalaunan dibuka, lol sirahna ditololkeun, culang cileung, euweuh nanaon. Panto dibuka rada lega, koréléng manéhna ka tepas, bedog diabar. Luak lieuk tetep euweuh nanaon, aya gé mobil beus Berkah bawana Mang Odon ngabagug sisi jalan, kapoékan ku tangkal buah. Anéhna sora nu tadi angger kadéngé, malah asa beuki tarik. Kasieun Si Ocid beuki kandel.
“Enyaan sora jurig téa ieu mah” bari rusuh manéhna asup deui ka imah. Panto ditulakan. Leng manéhna ngahuleng. Bakating ku sieun hawa tiis teu pangaruh, malah késang renung tina irung jeung tarangna.
“Beu cilaka, mangkaning geus jam dua belas” cenah ngagerentes “Mun ngahudangkeun bapa éra ... beu, tapi mun hanteu ...?”
Hawar–hawar kadéngé sora anjing babaung, ditéma ku sora patinggalesrok téa. Teu talangké ana jorowok téh Si Ocid ngocéak ngahudangkeun bapana
“Pa!! Bapa! Tulung aya jurig.” Bapana teu nembalan, atuh gorowok manéhna ngagorowok deui, “Pa! hudang Pa!”.
“Gandéng Ocid siah, jurig timana.” ceuk Bapana ti pangkéng. Rekét panto kamarna muka, lol Bapana kaluar.
“Enyaan Pa. Tah geura regepkeun” ceuk Si Ocid.
“Maénya aya budak ngora borangan, kanjut kontol dina punduk deuleu ngarana” cenah bari gigisik. Ngan ari ceulina mah dipasang ngadédénge nu ceuk si anakna pajar sora jurig téa.
“Aéh enya euy ari éta sora naonnya” ceuk Bapana bangun nu héran. Tarangna mani kerung-kerung wae.
“Cing kadieukeun bedogna, urang pariksa kaluar. Hayu, sia ngilu”. Bari bray mukakeun panto imah, Jut kaluar dituturkeun ku Si Ocid bari kokompodan bakating sieun. Koréléng ka pipir imah, suwung euweuh nanaon, katukang nyakitu deui, bras kahareup deui, sora nu gegesrukan asa bet beuki tarik. Puringkak bulu punduk Mang Entur, bapana si Ocid, muringkak. Dasar sarua borangan, ana gajleng téh asup ka jero imah. Puguh baé si Ocid ngoceak.
“Uaaa, mana jurigna!” cenah bari nubruk bapana, atuh duanana ngajéngjéhé di tengah imah., Beunget pias, awak ngadégdég, Pok mang Entur ngaharéwos
“Bener euy jurig kuris téa jigana cid, kaciri sorana kitu” cenah haroshos
“Pernah ngadéngé sorana kitu pa, boa jurig Bugis téa pa” tembal Si Ocim pias
“Pernah, lain jigana, da bejana jurig bugis mah tara disada heula, ujug-ujug jol wéh cara ririwa ” cenah sorana ngageter.
“Iyy..aéh na teu eureun-euren disada baé nya pa”
“Jigana lapareun tacan aya nu méré menyan”. Jep jarempé deui.
Antukna pasedek-sedek nyéréd ka lawang panto kamar. Ana keur kitu ... Trok! trok! Tok!, kana panto hareup aya nu keketrok. Anak jeung bapa ngadégdég soak bakat ku sieun. Untung euweuh nu baseuh ogé palebah palangkakan. Nu keketrok aya deui, lain dibuka, kalah babacaan sabisa-bisa bari jeung teu tamat-tamat da poho.
“Cid, bacakeun panyinglar ti Aki Rojak euy, aing mah poho” Ceuk bapana ngageter méh teu kadéngé. Si Ocid teu nembalan anggur kalah ngayekyek.
“Mang, mang Entur .. nyararing keneh ... Cid ... araya?” Sora lalaki ti luar. Nu duaan angot teu nyoara.
“Cid, déwék nginjeum obéng euy” Ceuk nu diluar deui. Si Ocid jeung bapana silih rérét, pok bapana ngaharéwos ka Si Ocid.
“Naha euy aya jurig bet nginjeum Obéng” ceuk bapana, Si Ocid teu némbalan. Nu diluar kadéngé ngomong deui.
“Cid, déwék yeuh Odon rék nginjeum obéng” ngadéngé nu diluar ngaku Odon, kakara nu dijero garetihan deui.
“Astagpiruloh. Odon tatéh?” ceuk mang Entur bari nangtung.
“Enya mang, pédah wé tadi katempo kalaluar, matak wani gogoroan ogé” tembal nu diluar. Bray panto imah dibuka deui, bréh Odon nangtung maké payung, leungeuna ngajingjing konci Inggris.
“Na mani ngajejempling digegeroan téh, maenya geus sararé deui. kakarak ogé samenit katingali mentas ti laluar” ceuk Odon mahido.
“Jang naon kang tengah peuting maké nginjeum obéng?” Ocid malik nanya.
“Eta wiper kaca mobil konslét, jadi hirup waé. Tah geuning disada gandéng, bisi ngabaribinan nu sararé matak maksakeun peuting-peuting ogé rék dioméan. Hanjakal obéng kuring tingaleun di garasi dunungan”
“Ari nu disadana naon?” ceuk bapana Si Ocid.
“Karétna geus butut mang. Jadi mun nyusut cai téh sok disada ngagosrak. Ma’lum mobil kolot.” Ceuk Odon bari nyusut cai hujan nu bocor tina payung bututna.
Sakedapan Si Ocid jeung bapana ngaharuleng. Rét panona kana palebah beus nu ngajugrug hareupeun imah Odon, ngabelegbeg badag tur bodas.
“Aya jurig téh kang Entur? Ceuk Bi Cioh ti pangkéng.
“Meni riweuh Jang Odon tadi téh kadéngéana ku embi mah”
“Jurig naon mang?” Tanya Odon héran
“Eta jurig Bodas Kang” tembal Si Ocid ngelemes, sup ka imah rék nyokot obéng. Mang Entur mah ukur kéom kaisinan []
Padalarang, 2010.
Basa keur istirahat gawe.
Malem Juma’ah, hujan ngaririncik. Di tengah imah Si Ocid jongjon lalajo tivi, nénjo tayangan Dunia Lain nu dibawakeun ku Hari Panca, campego wé sorangan, da indung bapana mah ti jam dalapan kénéh geus ngaringkeb di enggon, teuing pedah malem Juma’ah, teuing kateluh kejo balas murak buceng jeung angeun turubuk pangirim Mang Astajip bandar béas ti Cidolog.
Kodomang Si Ocid ngarongkong goréng Sampeu nu geus gaaleun balas katiisan, panon tetep mencrong kana layar tivi, na atuh ari golombrang téh sada sora kaléng katajong. Gebeg Si Ocid ngarénjag, Sampeu ngacleng bakating reuwas. Luak-lieuk euweuh nanaon, rey bulu punduk muringkak.
Wéong! Sora Ucing di dapur.
“Jadol siah, ngareureuwas!” Ceuk Si Ocid bari mulung deui goréng sampeuna, laju dihuapkeun. Di dago-dago jurigna tacan némbongan baé, nu uji nyalina katémbong keseleun, selang iklan kojéngkang Si Ocid ngadeukeutan tivi, curukna dipaké mencétan tombol belah handap. Teu ku rémot, da rémotna leungit basa dibawa ka pasar. Salah mawa, samarukna kalkulator padahal rémot tivi. Clek na tayangan film, kaparengan film horor produksi Jepang, film Ju-On. Gék Ocid diuk deui, panon angger neuteup layar tivi.
Juringkang, dilieuk euweuh. Na atuh gedewek aya nu néwak kana suku. Jerit Si Ocid ngajerit.
“Goglog mani reuwas. Rarasaan cokor dewek nu dicekel téh.” Ocid ngomong sorangan. Keur kitu Bréh! Na tivi jurigna tembong, budak leutik pikasieuneun. Birigidig Si Ocid ngabirigidig.
“Iyy ,,,” Cenah.
Gancang cénel tivi dipindahkeun deui kana nomer opat, keur kasenian tradisional, wayang kulit. Pindah deui kana nomer lima, masih dunia mistis, tembong Host-na keur ngobrol jeung narasumber, paranormal kasohor, keur ngomongkeun yén jurig mah resepeun kanu kotor-kotor. Bulu punduk Si Ocid muriding, manéhna inget yén tadi téh poho tacan mandi, atuh kaasup kalalotor . Boa jurig resepeun ka aing, pikirna. Gancang cénelna dipindahkeun deui. Kabeneran ieu mah siaran berita kriminal. Hujan di luar masih ngaririncik, angin karasa nyecep tiis. Acara na tivi geus ganti deui, ku dangdutan. Si Ocid témbong ngalengut neuteup bujur Inul nu muter dina televisi.
Séor angin nebak tatangkalan, paralak sada aya nu ngawuran taneuh kana susuhunan, keur kitu cikikik sada anu seuri, barang ditinggali bréh! aya awéwé ngariringkik, Si Ocid ngocéak, tapi hanjakal sorana teu kaluar, suku karasa beurat rék dilengkahkeun téh. Ragamang éta awéwé nu ngariringkik téh kana beuheung. Kek nyekék pageuh pisan. Koréjat Si Ocid hudang, ambekan ngahégak, luak-lieuk euweuh sasaha. na tivi keur tayangan berita malam. Si Ocid ngusap beungeut, sihoréng manéhna kasaréan, tuluy ngimpi dicekék jurig bikangna. Puringkak deui bulu punduk Si Ocid cengkat. Kumaha mun enya aya Kunti, mangkaning malem juma’ah. Ceuk gerentesna. Gancang tivi dipareuman, tap kana samping nu ngalumbuk. Karék ge cengkat Si Ocid curinghak, sirahna déngdék ngadédéngékeun.
“Aéh sora naon éta. Di luar kitu?” Gerentesna. Gusrak, gusrak. Sora nu ngagusrak atra kadéngé sada sora suku nu maké sapatu digusur. Sada di dapur. Si Ocid lahlahan ngeteyep ka dapur, bray panto dapur dibuka. Gajleng!, éong sora ucing disada, méh wé Si Ocim ngajerit bakat ku reuwas.
“Dasar Ucing édan” Cenah kutuk gendeng bari balik deui ka patengahan. Cicing sakeudeung ngadédéngékeun. Angger sora nu gesrak-gesruk masih kadéngé. Puringkak bulu pundukna cengkat deui. Panasaran jeung sieun pacampur, antukna manéhna lahlahan muru panto hareup, teu poho ngarawél heula bedog karuhun titinggal akina. Bray panto lalaunan dibuka, lol sirahna ditololkeun, culang cileung, euweuh nanaon. Panto dibuka rada lega, koréléng manéhna ka tepas, bedog diabar. Luak lieuk tetep euweuh nanaon, aya gé mobil beus Berkah bawana Mang Odon ngabagug sisi jalan, kapoékan ku tangkal buah. Anéhna sora nu tadi angger kadéngé, malah asa beuki tarik. Kasieun Si Ocid beuki kandel.
“Enyaan sora jurig téa ieu mah” bari rusuh manéhna asup deui ka imah. Panto ditulakan. Leng manéhna ngahuleng. Bakating ku sieun hawa tiis teu pangaruh, malah késang renung tina irung jeung tarangna.
“Beu cilaka, mangkaning geus jam dua belas” cenah ngagerentes “Mun ngahudangkeun bapa éra ... beu, tapi mun hanteu ...?”
Hawar–hawar kadéngé sora anjing babaung, ditéma ku sora patinggalesrok téa. Teu talangké ana jorowok téh Si Ocid ngocéak ngahudangkeun bapana
“Pa!! Bapa! Tulung aya jurig.” Bapana teu nembalan, atuh gorowok manéhna ngagorowok deui, “Pa! hudang Pa!”.
“Gandéng Ocid siah, jurig timana.” ceuk Bapana ti pangkéng. Rekét panto kamarna muka, lol Bapana kaluar.
“Enyaan Pa. Tah geura regepkeun” ceuk Si Ocid.
“Maénya aya budak ngora borangan, kanjut kontol dina punduk deuleu ngarana” cenah bari gigisik. Ngan ari ceulina mah dipasang ngadédénge nu ceuk si anakna pajar sora jurig téa.
“Aéh enya euy ari éta sora naonnya” ceuk Bapana bangun nu héran. Tarangna mani kerung-kerung wae.
“Cing kadieukeun bedogna, urang pariksa kaluar. Hayu, sia ngilu”. Bari bray mukakeun panto imah, Jut kaluar dituturkeun ku Si Ocid bari kokompodan bakating sieun. Koréléng ka pipir imah, suwung euweuh nanaon, katukang nyakitu deui, bras kahareup deui, sora nu gegesrukan asa bet beuki tarik. Puringkak bulu punduk Mang Entur, bapana si Ocid, muringkak. Dasar sarua borangan, ana gajleng téh asup ka jero imah. Puguh baé si Ocid ngoceak.
“Uaaa, mana jurigna!” cenah bari nubruk bapana, atuh duanana ngajéngjéhé di tengah imah., Beunget pias, awak ngadégdég, Pok mang Entur ngaharéwos
“Bener euy jurig kuris téa jigana cid, kaciri sorana kitu” cenah haroshos
“Pernah ngadéngé sorana kitu pa, boa jurig Bugis téa pa” tembal Si Ocim pias
“Pernah, lain jigana, da bejana jurig bugis mah tara disada heula, ujug-ujug jol wéh cara ririwa ” cenah sorana ngageter.
“Iyy..aéh na teu eureun-euren disada baé nya pa”
“Jigana lapareun tacan aya nu méré menyan”. Jep jarempé deui.
Antukna pasedek-sedek nyéréd ka lawang panto kamar. Ana keur kitu ... Trok! trok! Tok!, kana panto hareup aya nu keketrok. Anak jeung bapa ngadégdég soak bakat ku sieun. Untung euweuh nu baseuh ogé palebah palangkakan. Nu keketrok aya deui, lain dibuka, kalah babacaan sabisa-bisa bari jeung teu tamat-tamat da poho.
“Cid, bacakeun panyinglar ti Aki Rojak euy, aing mah poho” Ceuk bapana ngageter méh teu kadéngé. Si Ocid teu nembalan anggur kalah ngayekyek.
“Mang, mang Entur .. nyararing keneh ... Cid ... araya?” Sora lalaki ti luar. Nu duaan angot teu nyoara.
“Cid, déwék nginjeum obéng euy” Ceuk nu diluar deui. Si Ocid jeung bapana silih rérét, pok bapana ngaharéwos ka Si Ocid.
“Naha euy aya jurig bet nginjeum Obéng” ceuk bapana, Si Ocid teu némbalan. Nu diluar kadéngé ngomong deui.
“Cid, déwék yeuh Odon rék nginjeum obéng” ngadéngé nu diluar ngaku Odon, kakara nu dijero garetihan deui.
“Astagpiruloh. Odon tatéh?” ceuk mang Entur bari nangtung.
“Enya mang, pédah wé tadi katempo kalaluar, matak wani gogoroan ogé” tembal nu diluar. Bray panto imah dibuka deui, bréh Odon nangtung maké payung, leungeuna ngajingjing konci Inggris.
“Na mani ngajejempling digegeroan téh, maenya geus sararé deui. kakarak ogé samenit katingali mentas ti laluar” ceuk Odon mahido.
“Jang naon kang tengah peuting maké nginjeum obéng?” Ocid malik nanya.
“Eta wiper kaca mobil konslét, jadi hirup waé. Tah geuning disada gandéng, bisi ngabaribinan nu sararé matak maksakeun peuting-peuting ogé rék dioméan. Hanjakal obéng kuring tingaleun di garasi dunungan”
“Ari nu disadana naon?” ceuk bapana Si Ocid.
“Karétna geus butut mang. Jadi mun nyusut cai téh sok disada ngagosrak. Ma’lum mobil kolot.” Ceuk Odon bari nyusut cai hujan nu bocor tina payung bututna.
Sakedapan Si Ocid jeung bapana ngaharuleng. Rét panona kana palebah beus nu ngajugrug hareupeun imah Odon, ngabelegbeg badag tur bodas.
“Aya jurig téh kang Entur? Ceuk Bi Cioh ti pangkéng.
“Meni riweuh Jang Odon tadi téh kadéngéana ku embi mah”
“Jurig naon mang?” Tanya Odon héran
“Eta jurig Bodas Kang” tembal Si Ocid ngelemes, sup ka imah rék nyokot obéng. Mang Entur mah ukur kéom kaisinan []
Padalarang, 2010.
Basa keur istirahat gawe.
Komentar
Posting Komentar